„დამოუკიდებელი საქართველო 1918 წლიდან დღემდე“ - აშკალისა და არსარვანის საჯარო სკოლების მოსწავლეთა ერთობლივი საინტერესო ღონისძიება
11-06-2024
წალკის მუნიციპალიტეტის სოფელ აშკალისა და არსარვანის დამეგობრებულმა საჯარო სკოლებმა, სასწავლო წლის ბოლოსთვის ერთობლივი ღონისძიება ჩაატარეს.
ღონისძიება სახელწოდებით, „დამოუკიდებელი საქართველო 1918 წლიდან დღემდე“, არსარვანის საჯარო სკოლაში ჩატარდა.
ზეიმის პირველ ნაწილში მოსწავლეებმა პრეზენტაციის სახით წარადგინეს შემდეგი საკითხები:
- პირველი ქართული დემოკრატიული რესპუბლიკა და მისი მნიშვნელობა;
- დემოკრატიული რესპუბლიკის როლი ჩვენი ქვეყნის მომავალი განვითარებისათვის;
- პირველი დემოკრატიული არჩვენები და მსოფლიო;
- ქალთა უფლებები და არჩევნებში მონაწილეობის უფლება (თანამედროვეობა და წარსული);
- დამოუკიდებელი სახელმწიფოები და ეთნიკური უმცირესობების როლი მათ განვითარებაში;
- დემოკრატიის სამომავლო პერსპექტივები და გამოწვევები.
დაწყებითი კლასის მოსწავლეებმა, ღონისძიებაზე ლექსები წაიკითხეს. მათ, ასევე მინი სპექტაკლი „თხა და გიგო“ გაითამაშეს. ბავშვებმა შეასრულეს არაერთი მუსიკალური ნომერი და ცეკვა, სადაც შემოქმედებითი უნარები წარმოაჩინეს
ღონისძიების მონაწილე მოსწავლეებს სიგელები და ფასიანი საჩუქრები გადაეცათ.
აშკალის საჯარო სკოლის დირექცია მადლობას უხდის პროექტის ავტორებს - არსარვანის საჯარო სკოლის დირექტორს, კონსტანტინე ხორგუანს, ამავე სკოლის ქართული ენის მასწავლებლებს - ეკატერინე კაკრიაშვილსა და ნათია გიგლემიანს, ასევე მთელ პედკოლექტივს, აშკალის საჯარო სკოლის ქართული ენის მასწავლებლებს - თეა გიგიტაშვილსა და ლუსინე ტერბალიანს.
„იმედი გვაქვს, ჩვენი მეგობრობა სამომავლოდაც გაგრძელდება და არაერთ საინტერესო ღონისძიებასა თუ პროექტს განახორციელებს“, - აღნიშნავენ სკოლაში.
იხილეთ ფოტოები:
სკოლების სიახლეები
