ახკერპის საჯარო სკოლის მოსწავლეებმა ინგლისური ენის ანბანის შესწავლა ღონისძიებით აღნიშნეს
12-06-2024
მარნეულის მუნიციპალიტეტის სოფელ ახკერპის საჯარო სკოლაში უცხოური ენის შესწავლას მნიშვნელოვანი ყურადღება ექცევა. ამის დასტურია ის აქტივობები და ღონისძიებები, რომლებსაც პედაგოგები სთავაზობენ მოსწავლეებს.
ამჯერად, სკოლაში, მოსწავლეებმა ინგლისური ენის ანბანის შესწავლა ღონისძიებით აღნიშნეს.
ღონისძიებაზე, მათ ცოდნა და შემოქმედებითი უნარები შესანიშნავად წარმოაჩინეს. მათ ლექსები წაიკითხეს, იმღერეს, იცეკვეს, დრო ნაყოფიერად გაატარეს და დამსწრე საზოგადოების დიდი მოწონება დაიმსახურეს.
აქტივობებში ისინი დიდი მონდომებით, ინტერესითა და ხალისით იყვნენ ჩართულნი.
ეს დღე საინტერესო და დასამახსოვრებელი იყო თითოეული მოსწავლისთვის.
აღსანიშნავია, რომ მსგავსი აქტივობები და ღონისძიებები მოსწავლეთა მოტივაციის ამაღლებას ხელს უწყობს.
იხილეთ ფოტოები:
სკოლების სიახლეები
