საგარეჯოს მუნიციპალიტეტის სოფელ უდაბნოს საჯარო სკოლის პედაგოგები ზრუნავენ, რომ მოსწავლეებმა საქართველოს ისტორიაში მნიშვნელოვანი თარიღების შესახებ ცნობიერება აიმაღლონ.
ამ მიზნით კი, სხვადასხვა აქტივობა ეწყობა. აღსანიშნავია, რომ მე-6 კლასში, დედაენის კვირეულის ფარგლებში, მინი კონფერენცია დევიზით - „რა ენა წახდეს!“ ჩატარდა.
მისი ავტორი მე-6 კლასის ხელმძღვანელი და ქართული ენისა და ლიტერატურის მასწავლებელი - როზა თავაძე გახლდათ. კონფერენციაზე მოსწავლეებმა მასალები სალიტერატურო ენის საკითხებთან დაკავშირებით წარადგინეს.
თემების მოსმენის შემდეგ, დისკუსია დამსწრე საზოგადოებასა და მოსწავლეებს შორის გაიმართა.
იხილეთ ფოტოები: