ვარდისუბნის საჯარო სკოლაში VII კლასის მოსწავლეებმა „ჩრდილების თეატრი“ მოაწყვეს და სულხან-საბა ორბელიანის იგავ-არაკების პერსონაჟები „გააცოცხლეს“
ლაგოდეხის მუნიციპალიტეტის სოფელ ვარდისუბნის საჯარო სკოლაში სასწავლო წლის განმავლობაში არაერთი საინტერესო პროექტი და აქტივობა იმართება.
ამჯერად, სკოლაში, VII ა და VIIბ კლასების მოსწავლეთა აქტიური ჩართულობით საინტერესო შემაჯამებელი გაკვეთილი ჩატარდა.
აღნიშნული გაკვეთილი მოიცავდა „ჩრდილების თეატრს“, სადაც წარდგენილი იყო სულხან-საბა ორბელიანის იგავ-არაკები.
მოსწავლეებმა მოირგეს სხვადასხვა პერსონაჟის როლები. ბავშვებმა თავიანთი ხელებით განასახიერეს ცხოველები, სადაც შემოქმედებითი უნარები წარმოაჩინეს.
„თეატრი იყო შემეცნებითი, აღმზრდელობითი, ძალიან საინტერესო და ხელს უწყობდა სხვადასხვა უნარის განვითარებას მოსწავლეებში“, - გვიყვებიან სკოლაში.
აქტივობას ქართული ენისა და ლიტერატურის ღვაწლმოსილი პედაგოგი ელიზა კვინიკაძე ხელმძღვანელობდა.
იხილეთ ფოტოები: