ახალციხის მუნიციპალიტეტის სოფელ ჭვინთის საჯარო სკოლაში, სასწავლო წლის მანძილზე წარმატებით მუშაობდა იდეატორთა კლუბი „იდეების სამყარო“. კლუბში გაერთიანებული იყვნენ მე-6 კლასის მოსწავლეები (ხელმძღვანელი ქართული ენისა და ლიტერატურის პედაგოგი-მანანა ჩინჩალაძე).

კლუბის წევრებმა ორი კვირის განმავლობაში განახორციელეს პროექტი: „ნარჩენების მართვა და მისი დაშლის სრული დრო“. მათი სლოგანი იყო: „შენ არ მიგიღია დედამიწა მემკვიდრეობით, შენ მას შენი შვილებისგან სესხულობ“.

პროექტის მიზანი გახლდათ: სასკოლო საზოგადოებაში ნარჩენების მართვის შესახებ ცნობიერების ამაღლება და საინფორმაციო ბანერის მომზადების შემდეგ სკოლაში განთავსება.

კლუბის წევრებმა განახორციელეს შემდეგი აქტივობები:

1. კლუბის სახელწოდების, დევიზის, ლოგოს შექმნა;
   
2. კვლევა სასკოლო საზოგადოებაში კითხვით: როგორ ფიქრობთ რამდენ ხანში დაიშლება გარკვეული ნარჩენი?
   
3. ექსპერიმენტი ბუნებაში;
   
4. ნარჩენისაგან სხვადასხვა რესურსის შექმნა და საინფორმაციო ბანერის მოზადება ნარჩენის ნიადაგში დაშლის დროის შესახებ;
   
5. პრეზენტაციის წარდგენა სასკოლო საზოგადოების წინაშე;
   
6. სჯუ-ში შემაჯამებელ პრეზენტაციაზე მონაწილეობადა(დაჯილდოების ცერემონია).
   

პროექტის განხორციელებას ხელმძღვანელობდა საბაზისო განათლების პროგრამა.

იხილეთ ფოტოები: