ახალქალაქის მუნიციპალიტეტის მარტუნის საჯარო სკოლაში საბაზო საფეხურის კურსდამთავრებულთა გამოსაშვები ღონისძიება გაიმართა.

მე-9 კლასის მოსწავლეები ახალ ეტაპზე გადადიან და რადგან სკოლა საბაზოა, მათ სწავლა სხვა საგანმანათლებლო დაწესებულებაში უნდა განაგრძონ.

გამოსაშვები ღონისძიება სწორედ მათი მოტივაციისა და განწყობის ამაღლებას ისახავდა მიზნად.

მოსწავლეებმა, აღნიშნულ ღონისძიებაზე, დამრიგებლის - ლამზირა მაცუკატოვას ხელმძღვანელობით იმღერეს, იცეკვეს, შემოქმედებითი უნარები წარმოაჩინეს და საყვარელ პედაგოგებს ყველაფრისთვის მადლობა გადაუხადეს.

სკოლის დირექტორმა - აღავნი ავაქიანმა და პედაგოგიურმა კოლექტივმა მოსწავლეებს წარმატება უსურვეს და სიგელები გადასცეს.

ეს დღე ძალიან ემოციური და შთამბეჭდავი იყო.

იხილეთ ვიდეო