თეთრიწყაროს მუნიციპალიტეტის სოფელ ბორბალოს საჯარო სკოლაში 2023-2024 სასწავლო წელი წარმატებით დასრულდა. პედაგოგებმა ძალ-ღონე არ დაიშურეს იმისთვის, რომ მოსწავლეებისთვის წელი ყოფილიყო ნაყოფიერი. ბავშვებს მისცეს ხარისხიანი და სიღრმისეული განათლება და მეტად საინტერესო და მრავალფეროვანი სასწავლო პროცესი შესთავაზეს. ამასთან, პედაგოგები ზრუნავდნენ როგორც მოსწავლეთა საგნობრივი ცოდნის, ისე მათი კრიტიკული აზროვნების განვითარებაზე.
მათ შორის აღსანიშნავია სკოლაში გამართული საინტერესო დისკუსია თემაზე - „ჩვენი სახელოვანი წინაპრები“, რომელიც მეტად საინტერესოდ და მოსწავლეთა მაღალი ჩართულობით წარიმართა, მანამდე კი იყო ფილმის ჩვენება.
ისტორიის მასწავლებელმა - ცირა ჯელიამ მოსწავლეებს აჩვენა ფილმი - „ფარსმან მეორე ქველი“.
ფილმი მოსწავლეებისთვის საინტერესო და ინფორმაციული აღმოჩნდა. შეძენილი ცოდნა კი უკვე დისკუსიისას გამოიყენეს და საინტერესოდ იდებატეს.
აქტივობაში დიდი ინტერესითა და ხალისით ჩაერთნენ როგორც მოსწავლეები, ისე მასწავლებლები.
იხილეთ ფოტოები:
