დედოფლისწყაროს მუნიციპალიტეტის სოფელ არხილოსკალოს საჯარო სკოლაში 2023-2024 სასწავლო წელი წარმატებით დასრულდა. პედაგოგებმა ძალ-ღონე არ დაიშურეს მოსწავლეთა მაღალი აკადემიური შედეგების მისაღწევად, შესაბამისად წელს სკოლასაც ტრადიციულად ჰყავს მედლის კანდიდატი კურსდამთავრებულები.
არხილოსკალოს საჯარო სკოლის წარჩინებული კურსდამთავრებულები - ლიკა ბენაშვილი, ტატო ზაქაიძე, საბა კაპანაძე, ნიკა ბაბაშვილი შეუერთდნენ კახეთში 2024 წლის წარჩინებული მოსწავლეების დაჯილდოების ღონისძიებას, რომელიც სასტუმროში „ამბასადორი“ კახეთის მხარეში სახელმწიფო რწმუნებულის - გიორგი ალადაშვილის ინიციატივით გაიმართა.
გიორგი ალადაშვილის ინიციატივით, წახალისების მიზნით, კახეთის თითოეულ მუნიციპალიტეტში მცხოვრებ ოქროსმედალოსან და ვერცხლისმედალოსან ახალგაზრდებს ყოველწლიურად, ერთჯერადი ფულადი ჯილდო გადაეცემათ.
დაჯილდოების ცერემონიალი კახეთის სახელმწიფო რწმუნებულის - გიორგი ალადაშვილის ინიციატივით, 2022 წელს პირველად გაიმართა და ტრადიციულ ხასიათს ატარებს.
2024 წელს, რეგიონის მასშტაბით 426 წარჩინებული, მედალოსანი მოსწავლე მიიღებს ჯილდოს.
ღონისძიების მიზანს ახალგაზრდა თაობისთვის ხარისხიანი განათლების ხელმისაწვდომობის გაზრდა, სწავლისადმი მოტივაციისა და სტიმულის ამაღლება, განათლებული ახალგაზრდა თაობის მიერ მიღწეული წარმატებული შედეგების პოპულარიზაცია წარმოადგენს.
დასასრულს, ტრადიციულად გაიმართა ქუდების ცაში სროლის ცერემონია.
ლიკა ბენაშვილი, ტატო ზაქაიძე, საბა კაპანაძე, ნიკა ბაბაშვილის კლასის დამრიგებელი ნანა წიკლაური გახლავთ, რომლისთვისაც მოსწავლეთა აკადემიური მიღწევები განსაკუთრებით საამაყოა.
სკოლის დირექცია და პედაგოგები მოსწავლეებს ჯილდოს მიღებას ულოცავენ და უსურვებენ ასეთივე შემართებით გააგრძელონ განათლების მიღება, ახლა უკვე უმაღლეს სასწავლებლებში.
„არხილოსკალოს საჯარო სკოლა და სკოლის პედკოლექტივი ამაყობს მათი წარმატებით და უსურვებს წინსვლას ცხოვრების ახალ ეტაპზე“,- აღნიშნავენ სკოლაში.
იხილეთ ფოტოები:
