გორელოვკის N3 სკოლის მე-11 კლასის მოსწავლე ვიდეორგოლების კონკურსში წარმატებით მონაწილეობდა
14-06-2024
ნინოწმინდის მუნიციპალიტეტის სოფელ გორელოვკის N3 საჯარო სკოლის მოსწავლეები სხვადასხვა აქტივობასა და კონკურსში დიდი მონდომებით ერთვებიან.
ნინოწმინდის მუნიციპალიტეტის კულტურის სამსახურმა მოაწყო ვიდეორგოლების კონკურსი სახელწოდებით „ქალი სოფელში“, სადაც მონაწილეობდა სკოლის მე-11 კლასის მოსწავლე ანუკი ვანაძე.
მოსწავლემ მოამზადა ვიდეორგოლი - „სოფელში მცხოვრები ქალის ერთი დღე“. მან შემოქმედებითი უნარები და ხედვა შესანიშნავად წარმოაჩინა.
სკოლაში მის დამრიგებელს - ირა გოგილაშვილსა და თავად მონაწილე მოსწავლეს - ანუკი ვანაძეს მადლობას უხდიან.
აღსანიშნავია, რომ სკოლაში მოსწავლეთა მიღწევებს ყოველთვის მხარს უჭერენ.
იხილეთ ფოტოები:
სკოლების სიახლეები
