გამოსაშვებ ღონისძიებას მე-4 კლასის დამრიგებელი ანაჰიტ საჰაკიანი ხელმძღვანელობდა. მოსწავლეებმა ლექსები წაიკითხეს, იმღერეს, იცეკვეს, შემოქმედებითი უნარები წარმოაჩინეს და დრო ნაყოფიერად გაატარეს.

აღსანიშნავია, რომ წელს მე-4 ^ა კლასის 19 მოსწავლე პირველ პედაგოგს დაემშვიდობა. მოსწავლეებმა მას შრომისა და ამაგისთვის მადლობა გადაუხადეს.

მასწავლებელმა კი თავის მოსწავლეებს მომდევნო კლასებში წარმატებები უსურვა.

„ცოდნაზე უფრო ძლიერი ძალა არ არსებობს, ცოდნით შეიარაღებული ადამიანი უძლეველია. ცოდნა ადამიანს თავისუფალსა და დიდს ხდის.

ძვირფასო მოსწავლეებო, გილოცავთ ამ შთამბეჭდავ დღეს, გისურვებთ თქვენც გახდეთ დიდი და ღირსეული ადამიანები და ჩვენ ბედნიერები და ამაყები ვიყოთ თქვენით“, - ამ სიტყვებით გააცილეს მე-4 კლასელები არდადეგებზე და ცოდნის მწვერვალების დაპყრობა უსურვეს.

ეს დღე ძალიან ემოციური და შთამბეჭდავი იყო.