კორბოულის სისვაძეების უბნის საჯარო სკოლაში ჭადრაკში შეჯიბრი გაიმართა. 

ღონისძიებას ორგანიზება მოსწავლეთა თვითმმართველობამ გაუწია.

სკოლის წარმომადგენლის თქმით, შეჯიბრში პირველი საფეხურის მოსწავლეები - ლუკა ტალახაძე, ლუკა ხარაიშვილი, ავთო სისვაძე, მეგი სისვაძე, შალვა ლომსაძე, დიტო ძინძიბაძე და დათო ნოზაძე მონაწილეობდნენ. 

ლუკა ტალახაძემ, ლუკა ხარაიშვილმა, ავთო სისვაძემ და დათო ნოზაძემ შეჯიბრის I ტური წარმატებით გადალახეს და II ტურში გადავიდნენ.

II ტურში ლუკა ტალახაძემ და დათო ნოზაძემ გაიმარჯვეს. III ტურში კი 1-ელ ადგილზე დათო ნოზაძე გავიდა.

სკოლა დათო ნოზაძეს გამარჯვებას ულოცავს, მონაწილეებს კი ღონისძიებაში ჩართვისთვის მადლობას უხდის და წარმატებას უსურვებს.

იხილეთ ფოტო