პატარა, მაგრამ დიდი ისტორიის მქონე სკოლამ, რომელიც არაერთ საინტერესო მოგონებას ინახავს, ბევრი თაობა აღზარდა.

პირველი კლასის შემაჯამებელი ღონისძიებაც არ ყოფილა გამონაკლისი. ის მრავალფეროვანი, საინტერესო შემოქმედებით-შემეცნებითი აქტივობებით იყო დატვირთული.

აღნიშნული კლასის მასწავლებელი ასმათ ხაბულიანი გახლავთ, რომელიც ამავდროულად სკოლის დირექტორიცაა. 

„პირველი მასწავლებელი ხომ დედასავით სათნო და ფაქიზია, იგი უპირველესი გზამკვლევია ცოდნის სამყაროში“, - აღნიშნავენ სკოლაში.      

ღონისძიებაზე, პირველკლასელებმა ლექსები წაიკითხეს, იმღერეს, იცეკვეს, შემოქმედებითი უნარები წარმოაჩინეს და დრო ნაყოფიერად გაატარეს.         

სკოლის ისტორიაში კიდევ ერთი დაუვიწყარი, სამახსოვრო ფურცელი ჩაიწერა.

„ჩვენო ჭკვიანო, გულიანო, გონიერო, კეთილო, თვალებციმციმა პატარებო გილოცავთ პირველი კლასის წარმატებით დასრულებას, ლაღ, ბედნიერ, წარმატებულ, ნაყოფიერ წლებს გისურვებთ!“, - ამ სიტყვებით მიულოცა მასწავლებელმა მოსწავლეებს სასკოლო ცხოვრების პირველი წარმატებული ნაბიჯები და სექტემბრამდე დიდი სიყვარულით დაემშვიდობა.