მე-4 კლასელებმა, პედაგოგ ნინო გელოვანთან ერთად, როგორც სკოლაში აღნიშნავენ, ფერადი და ჯადოსნური დღე მოაწყვეს. ბავშვებმა იმღერეს, იცეკვეს, შემოქმედებითი უნარები წარმოაჩინეს და პირველ პედაგოგს მათთვის გაწეული ამაგისთვის მადლობა გადაუხადეს.

აღნიშნულ ღონისძიებაში ასევე მე-6 კლასის მოსწავლეებიც იყვნენ ჩართულნი. ტექნიკური დახმარება კი ღონისძიებას მე-9 კლასელმა ნიკა ჭკადუამ გაუწია.

ღონისძიებისთვის ბოლოს ბავშვებს და დამსწრე საზოგადოებას სიტყვით დირექტორმა - მანანა კვიციანმა მიმართა და ორგანიზატორებს სამახსოვრო საჩუქრები გადასცა.

„ვულოცავთ ჩვენი სკოლის მოსწავლეებს მე-4 კლასის წარმატებით დამთავრებას და დიდ წარმატებას ვუსურვებთ მომავალში. 

მე-5 კლასიდან ისინი ქალბატონ მირანდა პაკელიანის დამრიგებლობოთ გააგრძელებენ სწავლას“, - აღნიშნავენ სკოლაში.

ღონისძიებას ხელმძღვანელობდნენ კლასის დამრიგებელი ნინო გელოვანი და მუსიკის პედაგოგი რუსუდან- ანასტასია დადეშქელიანი.