თელავის მუნიციპალიტეტის სოფელ იყალთოს საჯარო სკოლაში 2023-2024 სასწავლო წლის განმავლობაში არაერთი საინტერესო პროექტი ხორციელდება.

14 ივნისს, თელავის სახელმწიფო უნივერსიტეტში, საბაზისო განათლების პროგრამით დაფინანსებული პროექტის - იდეატორთა კლუბის შემაჯამებელი აქტივობა განხორციელდა, სადაც მონაწილეობდნენ იყალთოს საჯარო სკოლის მე-4 და მე-6 კლასების მოსწავლეები. მათ მასწავლებელი ნატალია გიგოლაშვილი ხელმძღვანელობდა.

კლუბის წევრებმა გააკეთეს პრეზენტაცია შერჩეული თემის „იყალთო - კახეთის სავიზიტო ბარათის“ მიხედვით.

პროექტში მონაწილეობისათვის სკოლას გადაეცა სერტიფიკატი, ხოლო მოსწავლეებს - სერტიფიკატები, სამკერდე ნიშნები და ბლოკნოტები.

სკოლაში მოსწავლეთა მიღწევებით ამაყობენ და მათ წინსვლას უსურვებენ.

იხილეთ ვიდეო: