რუსთავის საბავშვო ბაგა-ბაღების გაერთიანების 100 თანამშრომლისათვის აღმზრდელ-პედაგოგთა პროფესიული განვითარების ტრენინგ-მოდულის ჩატარების მიზნით ტენდერი გამოცხადა, აღნიშნული მომსახურებისთვის კი 27 000 ლარი გამოყო.

დოკუმენტის მიხედვით, ტრენინგები 30 ივლისის ჩავთვლით უნდა ჩატარდეს. კურსის ხანგრძლივობა 60-66 საათი იქნება; დღეში 6 სამუშაო საათი, ხოლო ტესტირება არასამუშაო დღეს გაიმართება.

აღსანიშნავია, რომ პრეტენდენტს, ასევე ტრენერებს (არანაკლებ 2 ტრენერი) მასწავლებელთა პროფესიული განვითარების ეროვნული ცენტრის დირექტორის ინდივიდუალური ადმინისტრაციულ-სამართლებრივი აქტით შექმნილი კომისიის მიერ, მინიჭებული უნდა ქონდეს ტრენინგ-მოდულის ჩატარების უფლება. აღნიშნული გადამოწმებული იქნება შემსყიდველის მიერ, ცენტრის ვებ-გვერდზე.

აღმზრდელ-პედაგოგთა პროფესიული განვითარების ტრენინგ-მოდულის წარმატებით გავლის შემთხვევაში მსმენელებზე გაიცემა ტრენინგ-მოდულის სერტიფიკატი.