ქართულ-ევროპული სკოლა „ორნატში“ სასწავლო წლის მიწურულს არაერთი ღონისძიება გაიმართა. მოსწავლეებმა სასწავლო წლის წარმატებით დასრულება აღნიშნეს.
მათ შორის აღსანიშნავია, III კლასის გამოსაშვები ღონისძიება, რომელიც მეტად საინტერესოდ და დიდი ზარ-ზეიმით წარიმართა. მოსწავლეები დამსწრე საზოგადოების წინაშე მრავალფეროვანი პროგრამით წარდგნენ, ცოდნა და შესაძლებლობები წარმოაჩინეს და პედაგოგს სიამაყის საფუძველი მისცეს.
როგორც სკოლაში გვიყვებიან, იყო ზღვა ემოცია, დღე ბედნიერი და თანაც სევდიანი. მოსწავლეები დაემშვიდობნენ თავიანთ საყვარელ თამარ მასწავლებელს.
სკოლაში მოსწავლეთა აქტიურობა და პედაგოგის შემოქმედებითობა ახარებთ.
„გზას დაგილოცავთ ჩვენო პატარებო ცხოვრების ახალ ეტაპზე. წარმატებებით გევლოთ ამ გზაზე, წინ ძალიან ბევრი საინტერესო დღეები გელოდებათ. მადლობა, თამარ მასწავლებელს, თითოეულ მოსწავლეს, მშობლებს, პედაგოგებს, და ყველას ვინც მცირედი წვლილი მაინც შეიტანა ამ დღის გალამაზებისა და გაფერადებისთვის“,- აღნიშნავენ სკოლაში.
იხილეთ ფოტოები:
