საჯარო სკოლების მასწავლებელთა შრომის ანაზღაურების მინიმალური ოდენობისა და პირობების შესახებ დოკუმენტში განსაზღვრულია, მასწავლებელისა და სპეცმასწავლებლის სრული, ნაწილობრივი და სრულ დატვირთვაზე მეტი საგაკვეთილო საათების ოდენობები. 

ნაწილობრივი დატვირთვა – გულისხმობს მასწავლებლის 36-ზე ნაკლებ-საათიან სამუშაო კვირას, რომლის შემადგენლობაშიც შედის 18-ზე ნაკლები საგაკვეთილო საათი კვირაში;

სრული დატვირთვა – გულისხმობს მასწავლებლის 36-საათიან სამუშაო კვირას, რომლის შემადგენლობაშიც შედის 18 საგაკვეთილო საათი  კვირაში;

სრულზე მეტი დატვირთვა - გულისხმობს მასწავლებლის 40-საათიან სამუშაო კვირას, რომლის შემადგენლობაშიც შედის 19 ან მეტი არაუმეტეს 25 საგაკვეთილო საათი კვირაში;

სპეციალური მასწავლებლის სრული სამუშაო დატვირთვა –  გულისხმობს სპეციალური მასწავლებლის 36-საათიან სამუშაო კვირას;

სპეციალური მასწავლებლის ნაწილობრივი სამუშაო დატვირთვა –  გულისხმობს სპეციალური მასწავლებლის 36-საათზე ნაკლებ სამუშაო კვირას.