ერკეთის საჯარო სკოლაში მოსწავლეთა სასწავლო-შემოქმედებითი კონფერენცია გაიმართა
21-06-2024
ჩოხატაურის მუნიციპალიტეტის სოფელ ერკეთის საჯარო სკოლაში 2023-2024 სასწავლო წელი მეტად ნაყოფიერი და წარმატებული აღმოჩნდა.
წელს, სკოლაში პირველად ჩატარდა მოსწავლეთა სასწავლო-შემოქმედებითი შიდასასკოლო კონფერენცია.
მოსწავლეებმა კონფერენციაზე წარადგინეს საინტერესო თემები თითქმის ყველა საგანში. ყველა ნაშრომი იყო ორიგინალური, კარგად გააზრებული და აქტუალური.
სკოლის დირექციამ სიგელები გადასცა შემოქმედ მოსწავლეებს და მადლობა გადაუხადა თემების ხელმძღვანელ პედაგოგებს.
კონფერენციამ მოსწავლეთა დიდი ინტერესი გამოიწვია და მათთვის მეტად ნაყოფიერი, შემეცნებითი და ინფორმაციული აღმოჩნდა.
როგორც სკოლაში გვეუბნებიან, მონაწილეებმა გადაწყვიტეს, რომ მომავალი სასწავლო წლისთვის ინტერესით იმუშაონ საკონფერენციო თემებზე.
იხილეთ ფოტოები:
სკოლების სიახლეები
