თელავის N5 საჯარო სკოლის მოსწავლეებმა სასწავლო წელი საინტერესოდ და ნაყოფიერად დაასრულეს.
მოსწავლეები, ჩარგალში, ვაჟა-ფშაველას სახლ-მუზეუმს სტუმრობდნენ. ვაჟა ფშაველას ეზო-კარში წაკითხული „შვლის ნუკრის ნაამბობი“ და მშობლებთან და მასწავლებლებთან ერთად შესრულებული სახალისო აქტივობები მოსწავლეებისთვის მეტად შთამბეჭდავი აღმოჩნდა.
უჩვეულო ემოციები და ამაღლებული განწყობა მოსწავლეებს კიდევ დიდხანს გაჰყვებათ.
როგორც სკოლაში გვეუბნებიან, მე-5 კლასელები უკვე საოცრად მოტივირებულები ელიან ახალ სასწავლო წელს.
ეს კი დიდწილად კლასის დამრიგებლის თ. გივიშვილის და ქართული ენისა და ლიტერატურის მასწავლებლის - მ. მოსიაშვილის დამსახურებაა, რომლებიც მოსწავლეთა მოტივაციაზე აქტიურად ზრუნავენ, ამ მიზნით კი წარმტაც საგანმანათლებლო თავგადასავლებს სთავაზობენ.
იხილეთ ფოტოები:
