საჯარო სკოლის მასწავლებელთა შრომის ანაზღაურების ახალმა წესმა პედაგოგიურ წრეებში დიდი გაუგებრობა და არანაკლები უკმაყოფილება გამოიწვია. მათ ნაწილს esqool-ის ბაზაში შეცვლილი ანაზღაურება უკვე აესახა, თუმცა ინფორმაცია მალევე წაიშალა.
მიუხედავად საკმაოდ ვრცელი დოკუმენტისა, მასწავლებლები მაინც ვერ ხვდებიან, სად გაქრა სტატუსების შესაბამისი დანამატები, რომლებიც ფუნქციურმა დანამატებმა ჩაანაცვლა - ისიც მხოლოდ წამყვან-მენტორებისთვის; ბუნდოვანია ისიც, რეალურად, რა ხელფასს მიიღებენ მასწავლებლები -1-ელი ივლისიდან - ეს გახლავთ ყველაზე აქტუალური კითხვა, რომელიც სოციალურ ქსელებში მეორე დღეა აქტიურად ტრიალებს და რომლესაც განათლების მართვის საინფორმაციო სისტემა პასუხობს.
მასწავლებელთა ახალი სახელფასო სქემა გამოქვეყნდა
„ზოგადი განათლების მართვის საინფორმაციო სისტემაში (eSchool) მასწავლებელთა შრომის ანაზღაურების შესახებ ინფორმაცია ხელმისაწვდომი იქნება 5 ივლისიდან“, - აღნიშნულია განმარტებაში.
