ბათუმის N30 საჯარო სკოლიდან კურსდამთავრებულები დიდი სიყვარულით გააცილეს
24-06-2024
ბათუმის N30 საჯარო სკოლიდან კიდევ ერთი თაობა გააცილეს.
სკოლაში მე-12 კლასელებისთვის „ბოლო ზარი“ საზეიმოდ დაირეკა. ტრადიციისამებრ მოსწავლეები სკოლაში თეთრი მაისურებით გამოცხადდნენ და ერთმანეთს პერანგებზე საუკეთესო სურვილები დაუტოვეს.
კურსდამთავრებულებმა პედაგოგებს შრომისა და ამაგისთვის მადლობა გადაუხადეს. მასწავლებლებმა კი აღზრდილებს გზა დაულოცეს და ბედნიერი და წარმატებული მომავალი უსურვეს.
ამჟამად მოსწავლეები ეროვნული გამოცდებისთვის ემზადებიან, სკოლის დირექცია და პედაგოგები კი მათ გულმხურვალედ გულშემატკივრობენ და სასურველ უნივერსიტეტსა და ფაკულტეტზე ჩაბარებას უსურვებენ.
იხილეთ ფოტო-ვიდეომასალა:
სკოლების სიახლეები
