მარნეულის N6 საჯარო სკოლაში სასწავლო წლის მიწურულს არაერთი ღონისძიება გაიმართა. მოსწავლეებმა 2023-2024 სასწავლო წლის წარმატებით დასრულება იზეიმეს.
მათ შორის აღსანიშნავია მე-4 კლასის გამოსაშვები ღონისძიება. მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ და ცოდნა და შესაძლებლობები წარმოაჩინეს. ღონისძიება დატვირთული იყო შემოქმედებითად. მოსწავლეებმა მუსიკალური და ქორეოგრაფიული ნომრები შეასრულეს, მხატვრულად წაიკითხეს ლექსები და დამრიგებელსა და მშობლებს სიამაყის საფუძველი მისცეს.
მოსწავლეებმა ასევე სასკოლო ცხოვრების პირველი ნაბიჯები გაიხსენეს, პირველ მასწავლებელს შრომისა და ამაგისთვის მადლობა გადაუხადეს.
დამრიგებელმა კი მოწაფეებს გზა დაულოცა და საუკეთესო სურვილებით გამოემშვიდობა.
„ჩემო პატარებო! გილოცავთ, მე-4 კლასის წარმატებით დასრულებას და ახალ ეტაპზე გადასვლას. წარმატებები!“, - დიდი სიყვარულით მიმართა დამრიგებელმა მოწაფეებს და ცოდნის მწვერვალების დაპყრობა უსურვა.
იხილეთ ვიდეო:
