კასპის მუნიციპალიტეტის სოფელ წინარეხის საჯარო სკოლაში სასწავლო წელი დატვირთული იყო საინტერესო ინიციატივებით, დიდი ყურადღება ეთმობოდა სპორტულ ღონისძიებებსაც.
ამის ნათელი მაგალითია, 14 ივნისს, გამართული შიდასასკოლო, სპორტულ-გამაჯანსაღებელი და შემეცნებით-გასართობი შეჯიბრი - „მხიარული სტარტები“.
აღსანიშნავია, რომ ღონისძიებას, სპორტის მასწავლებლი სერგო ლაცაბიძე ხელმძღვანელობდა.
შეჯიბრის მიზანი იყო მოსწავლეებში სპორტის პოპულარიზაცია და ფიზიკური აქტივობის ხელშეწყობა, გუნდური სულისკვეთების გაზრდა და ჯანსაღი ცხოვრების წესის დანერგვა.
როგორც სკოლაში აღნიშნავენ, მოსწავლეებმა კარგად გაართვეს თავი დავალებებს, მათ გადაეცათ შესაბამისი სიგელები.
„ასე მხიარულად დავასრულეთ 2023-2024 სასწავლო წელი“, - აღნიშნეს სკოლაში და მოსწავლეებს ნაყოფიერი არდადეგები უსურვეს.
იხილეთ ფოტოები:
