მარნეულის მუნიციპალიტეტის, სოფელ ზემო სარალის საჯარო სკოლაში 2023-2024 სასწავლო წელი საინტერესო და მრავალფეროვანი აქტივობებით იყო დატვირთული, რომლებშიც მოსწავლეები დიდი ენთუზიაზმით მონაწილეობდნენ.
მათ შორის იყო პროექტები თემებზე: „ეკოლოგია“, „ჯანსაღი ცხოვრების წესი და მავნე ჩვევები“, რომლებიც სკოლის მოსწავლეებმა პედაგოგ აფის პირიევის ხელმძღვანელობით აპრილ-ივნისის პერიოდში განახორციელეს.
ბავშვებმა პროექტების ფარგლებში დაამზადეს თემატური პოსტერები, მოაწყვეს დისკუსიები და დებატები. მათ საინტერესო ინფორმაციები მოიძიეს, ცოდნა კი ერთმანეთს და სასკოლო საზოგადოებას გაუზიარეს.
მოსწავლეებმა ასევე ისაუბრეს ჯანსაღი ცხოვრების წესის მნიშვნელობასა და აუცილებლობაზე. მათ აღნიშნულ საკითხებთან დაკავშირებით ცნობიერება აიმაღლეს.
სკოლაში ეკოცნობიერების ამაღლებასა და ჯანსაღი ცხოვრების წესის დამკვიდრებას მნიშვნელოვანი ყურადღება ექცევა.
იხილეთ ფოტოები:
