მათ შორის იყო eTwinning-ის საერთაშორისო პროექტი - TELL ME, რომელიც სკოლაში გაიმართა.

პროექტის ფარგლებში, I კლასის დამრიგებლის - თამუნა ლოხიშვილის ხელმძღვანელობით, მოსწავლეებმა შეძლეს საკუთარი ქვეყნის ღირსშესანიშნაობები გაეზიარებინათ ევროპის 14 ქვეყნის წარმომადგენელი თანატოლისთვის.

„მოსწავლეებმა შექმნეს ღირსშესანიშნაობების ამსახველი ნახატები, კლასში გამოაცხვეს ხაჭაპური (ტრადიციული კერძი), მოაწყვეს ჩრდილების თეატრი“, - გვიყვებიან სკოლაში.

პროექტის ფარგლებში, მათ ცოდნა და შემოქმედებითი უნარები შესანიშნავად წარმოაჩინეს.

სკოლის დირექცია მადლობას უხდის პედაგოგ თამუნა ლოხიშვილს საინტერესო პროექტის განხორციელებისათვის.