ზედა განთიადის საჯარო სკოლის პატარა მათემატიკოსების საინტერესო პრეზენტაციები
27-06-2024
ხელვაჩაურის მუნიციპალიტეტის სოფელ ზედა განთიადის საჯარო სკოლაში 2023-2024 სასწავლო წელი საინტერესო და მრავალფეროვანი აქტივობებით იყო დატვირთული, რომლებშიც მოსწავლეები დიდი მონდომებით იყვნენ ჩართულნი.
მათ შორის აღსანიშნავია მე-6 კლასის მოსწავლეთა პრეზენტაციები მათემატიკაში. ბავშვებმა კლასში, პრეზენტაციის სახით მათემატიკაში გავლილი მასალის საკვანძო საკითხები წარადგინეს.
თითოეული პრეზენტაცია სიღრმისეულად განიხილავდა მოცემულ საკითხს.
„მათ, ასევე განიხილეს ზოგიერთი მათემატიკური კანონზომიერება: მებიუსის ზედაპირი და ციფრების - 6 და 9-ის განლაგების შესახებ საკითხები“, - გვიყვებიან სკოლაში.
VI კლასელებმა აღნიშნულ დღეს მათემატიკის ცოდნა, სხარტი და ანალიტიკური აზროვნება შესანიშნავად წარმოაჩინეს, დრო კი ნაყოფიერად გაატარეს.
სკოლაში ბავშვებით ამაყობენ და მათ წარმატებებს უსურვებენ.
„წარმატებებს ვუსურვებ მათემატიკური მეცნიერების დაუფლების გზაზე“, - აღნიშნავს პედაგოგი მანანა რუსიშვილი.
იხილეთ ფოტოები:
სკოლების სიახლეები
