ხელვაჩაურის მუნიციპალიტეტის სოფელ ზედა განთიადის საჯარო სკოლაში, სასწავლო წლის განმავლობაში, მნიშვნელოვანი თარიღები ყოველთვის შესაბამისი აქტივობებით აღინიშნება.
გამონაკლისი არც საქართველოში წმინდა ნინოს შემობრძანებისა და ბავშვთა დაცვის საერთაშორისო დღე გახლდათ.
ზედა განთიადის საჯარო სკოლაში გაიმართა ლამაზი ღონისძიება, რომლის მიმდინარეობაშიც ყველა დიდი ხალისითა და მონდომებით ჩაერთო. საზეიმოდ მორთულ გარემოში მოსწავლეებმა ლექსები წაიკითხეს, შემოქმედებითი ნომრები წარმოადგინეს და დრო სასიამოვნოდ გაატარეს.
„ძვირფასო ბავშვებო, მშობლებო, აღმზრდელებო გილოცავთ საქართველოში წმინდა ნინოს შემობრძანებისა და ბავშვთა დაცვის საერთაშორისო დღეს. ყოველი დღე თქვენ გეკუთვნით... ჩვენი, უფროსების, ვალია თქვენზე ზრუნვა, ურთიერთგაგება, პატივისცემა, თქვენი აზრების მოსმენა, დაფასება, პრობლემების გაზიარება, სურვილების შესრულება, დროის დათმობა, ნამდვილი მეგობრობა...“, - ასე აფასებენ ზედა განთიადის საჯარო სკოლაში ჩატარებულ ღონისძიებას, რომელმაც საგანმანატლებლო დაწესებულების ისტორიაში კიდევ ერთი დაუვიწყარი ფურცელი ჩაწერა.
იხილეთ ფოტოები:
