ნაყოფიერი და წარმატებული სასწავლო წლის დასრულების შემდეგ საქართველოს საპატრიარქოს წმიდა თამარ მეფის სახელობის გიმნაზიის მოსწავლეებისთვის არაერთი სასწავლო-შემეცნებითი ექსკურსია მოეწყო. 

მათ შორის, თამარ მეფის გიმნაზიის გრიგოლ ხანძთელის სახელობის VIII კლასის მოსწავლეები (დამრიგებელი ინგა ჩადუნელი) იმყოფებოდნენ ბორჯომის მუნიციპალიტეტში.

მათ მოილოცეს ტაძრები და გაეცნენ ისტორიას XII-XIII საუკუნეების მიჯნაზე აგებული ტიმოთესუბნის ღვთისმშობლის მიძინების მამათა მონასტრისა და IX საუკუნის მწვანე მონასტრის შესახებ.

ექსკურსია მოსწავლეებისთვის მეტად შემეცნებითი და წარმტაცი აღმოჩნდა. მოსწავლეები სასწავლო-შემეცნებითი ტურიდან დაუვიწყარი შთაბეჭდილებებით დაბრუნდნენ. 

იხილეთ ფოტოები: