მათ შორის გახლდათ პროექტი სახელწოდებით, „არა ომს“, რომელიც XI კლასში, ხელოვნების მასწავლებელმა - თეა გონაშვილმა განახორციელა.

აღნიშნული პროექტი მოსწავლეთა კვლევის საფუძველზე ჩატარდა. სკოლაში, მოზარდებს ჰკითხეს, თუ რომელი თემა იქნებოდა აქტუალური 21-ე საუკუნეში.

კვლევის საფუძველზე დადგინდა, რომ ომის თემა აქტუალურია დღესდღეობით. სწორედ ამიტომ, სკოლაში გადაწყდა, გაეკეთებინათ პლაკატი ამ თემის ირგვლივ სახელწოდებით - „არა ომს“.

აქტივობაში მასწავლებელი და მოსწავლეები დიდი მონდომებით ჩაერთნენ, პედაგოგმა მოსწავლეებს გაუზიარა თავისი გამოცდილება, შესთავაზა და განახორციელა უამრავი აქტივობა პროექტის მსვლელობისას.

„მოსწავლეთა ინტერესი საკმაოდ მაღალი იყო ყველა სიახლის მიმართ. შედეგმა კი მოლოდინს გადააჭარბა და შეიქმნა სასწაულად ბევრი რამის მთქმელი პოსტერი“, - აღნიშნავენ სკოლაში.

სკოლის დირექციამ მადლობა გადაუხადა მასწავლებელს, მოსწავლეებს ასეთი საინტერესო პროექტის განხორციელებისთვის და წარმატები უსურვა.