ავთანდილ დეკანოიძის სახელობის ქალაქ ქუთაისის N32 საჯარო სკოლაში 2023-2024 სასწავლო წელი გაჯერებული იყო მრავალფეროვანი საგანმანათლებლო ღონისძიებებით. აღინიშნებოდა არაერთი მნიშვნეოვანი თარიღი და მოვლენა, მოსწავლეებიც აქტიურობით გამოირჩეოდნენ და ცოდნასა და შესაძლებლობებს წარატებით წარმოაჩენდნენ.
მოსწავლე-მასწავლებელთა ყურადღების მიღმა არ დარჩენილა მეცნიერ ქალთა და გოგონათა საერთაშორისო დღე.
სკოლაში გაიმართა მოსწავლეთა სასკოლო ინგლისურენოვანი კონფერენცია თემაზე - „ქალთა ღვაწლი მეცნიერებაში“, რომელშიც მონაწილეობდნენ მე-9ა და მე-9ბ კლასის მოსწავლეები.
დამსწრე საზოგადოება გაეცნო მსოფლიოში ცნობილი ქალი მეცნიერების მიღწევებს და მათი ღვაწლის მნიშვნელობას მეცნიერების სხვადასხვა დარგის განვითარებაში. კონფერენციას ინტერაქტიული ხასიათის იყო, რამაც განაპირობა მსმენელთა აქტიური ჩართულობა და განსაკუთრებული ინტერესი.
დასასრულს, სკოლის დირექტორმა - გია მაღლაკელიძემ აღნიშნა, რომ ქალ მეცნიერებს დიდი როლი მიუძღვით მეცნიერების განვითარებაში და მისასალმებელია, რომ მათი შრომა თანამედროვე სამყაროში გაცილებით მეტად ფასობს, ვიდრე ეს გასული საუკუნის პერიოდში ხდებოდა. მან მადლობა გადაუხადა მოსწავლეებს გაწეული მუშაობისთვის, თემების უნაკლოდ წარდგენისთვის და კონფერენციაში წარმატებით მონაწილეობის დამადასტურებელი სერტიფიკატები გადასცა.
მოსწავლეთა ინგლისური ენის მასწავლებელი ქეთევან კუბლაშვილი გახლავთ.
იხილეთ ფოტოები:
