მარტვილის მუნიციპალიტეტის სოფელ თამაკონის საჯარო სკოლის დირექტორ აზა გადელიასთვის სკოლის წარმატება ნიშნავს წარმატებულ მოსწავლეს, კმაყოფილ მშობელსა და მასწავლებელს, რომელსაც სკოლაში მიუხარია, შესაბამისად სასკოლო საზოგადოების კეთილდღეობისთვის ძალ-ღონეს არ იშურებს და მოსწავლეებისთვის ხარისხიან განათლებას და მათ ინტერესებზე მორგებულ სასწავლო გარემოს უზრუნველყოფს.
etaloni.ge-ს ბლიც-კითხვებს თამაკონის საჯარო სკოლის დირექტორი აზა გადელია პასუხობს.
- სკოლის წარმატება ნიშნავს...
- სკოლის წარმატება ნიშნავს წარმატებულ მოსწავლეს კმაყოფილ მშობელს და მასწავლებელს, რომელსაც მოუხარია სკოლაში - ყველაფერი ერთად კი ძლიერ სახელმწიფოს.
- დარიგება, რომელიც ყოველთვის მემახსოვრება...
- ყველაფერი უნდა გააკეთო იმისთვის, რომ სისუსტე სიძლიერედ აქციო.
- აბიტურიენტებს ვურჩევდი...
- მთავარია სწორად შეარჩიო შენი მომავალი პროფესია, სხვა დანარჩენი შენი მოწოდებით და მონდომებით მიიღწევა.
- ახალი თაობისთვის მნიშვნელოვანია...
- ის ცოდნა და უნარ-ჩვევები, რომელსაც სკოლაში იღებენ, რადგან შემდეგი წარმატებები სწორედ ამაზე იქნება დაშენებული.
- მოსწავლის სიყვარული ნიშნავს...
- გიყვარდეს ის უპირობოდ, ზრუნავდე მასზე ჯერ როგორც პიროვნებაზე და მერე მის განათლებაზე.
- წიგნი რომლის წაკითხვასაც ვურჩევდი მოსწავლეებს ზაფხულში...
- რაც შეეხება წიგნებს, ეს მათ ასაკზე და მისწრაფებებზეა დამოკიდებული, ამიტომ ეს თუ არ მეცოდინება გამიჭირდება პასუხი.
- საკუთარ თავს ვუსურვებდი...
- კიდევ დიდხანს მეყოს ძალა და ენერგია მომავალი თაობის სამსახურში ყოფნისთვის.