თელავის მუნიციპალიტეტის სოფელ ყარაჯალის საჯარო სკოლის პედაგოგები მოსწავლეებს აძლევენ არა მხოლოდ ხარისხიან საგნობრივ განათლებას, არამედ მათ მრავალმხრივ განვითარებაზე ზრუნავენ. 2023-2024 სასწავლო წელიც სკოლაში საინტერესო ინიციატივებით იყო დახუნძლული.
მეგობრობას, შემწყნარებლობას, მოსწავლეთა სოციალური და სამოქალაქო კომპეტენციების კრიტიკული და შემოქმედებითი აზროვნების განვითარებას, კეთილგანწყობილი გარემოს შექმნას, თანამშრომლობას და სკოლის ცხოვრებაში მშობელთა ჩართულობას ისახავდა მიზნად სასწავლო წლის დასასრულს თელავის მუნიციპალიტეტის სოფელ ყარაჯალის საჯარო სკოლის განხორციელებული პროექტი - „ვინ მოყვარესა არ ეძებს იგი თავისა მტერია“, რომელშიც მონაწილეობდნენ რუისპირის და ვარდისუბნის სკოლის მოსწავლეები.
პროექტი მოსწავლეებისთვის მეტად საინტერესო და შემეცნებითი აღმოჩნდა.
პროექტის მსვლელობისას აუდიტორიის წინაშე კვლავ წარდგა სკოლის ქართული სიმღერის ფოლკლორული ანსამბლი „ლალე“ და დამსწრე საზოგადოების მოწონება დაიმსახურა.
იხილეთ ფოტოები:
