თბილისის საბავშვო ბაგა-ბაღებში 2024-2025 სააღმზრდელო წლისთვის აღსაზრდელთა რეგისტრაციის მეორე ეტაპი 15 ივლისს 10:00 საათზე დაიწყება საიტზე - http://kids.org.ge/  და 21 ივლისის ჩათვლით გაგრძელდება.

ამ ეტაპზე დარეგისტრირდებიან ქალაქ თბილისის მუნიციპალიტეტის ტერიტორიაზე (ბოლო ექვსი თვის მანძილზე) რეგისტრირებული ბავშვები.

რეგისტრაციისთვის უნდა მიუთითოთ და აირჩიოთ: რაიონი; ბაღის დასახელება / ნომერი; ჯგუფი; ბავშვის პირადი №; ქართული ასოებით უნდა შეიყვანოთ: ბავშვის სახელი და გვარი; დედის პირადი ნომერი: დედის სახელი და გვარი; მამის პირადი ნომერი, მამის სახელი და გვარი; ელექტრონული ფოსტა და ტელეფონის ნომერი. 

დამატებითი კითხვების შემთხვევაში, მოქალაქეს შეუძლია, დაუკავშირდეს თბილისის მერიის ცხელ ხაზს - 2 72 22 22 ან საბავშვო ბაგა-ბაღების მართვის სააგენტოს ცხელ ხაზს - 2 37 82 43.