ბაღდათის N1 საჯარო სკოლაში მოსწავლეთა მოტივაციის ამაღლებას, მათი როგორც ცოდნის, ისე შემოქმედებითი ნიჭისა და უნარების განვითარებას მნიშვნელოვანი ყურადღება ექცევა.
ამ მხრივ გამორჩეული და ნაყოფიერი იყო 2023-2024 სასწავლო წელი.
მათ შორის აღსანიშნავია, მეოთხე კლასის გამოსაშვები საღამო. მოსწავლეებმა წარმატებით დაასრულეს დაწყებითი საფეხურის ოთხი კლასი.
მე-4 კლასელები დამსწრე საზოგადოების წინაშე მრავალფეროვანი სანახაობით წარდგნენ, მათ შორის საცეკვაო და მუსიკალური ნომრები შეასრულეს.
ღონისძიებას გასდევდა ემოციური ელფერი. ამ დღეს მოსწავლეები კლასის ხელმძღვანელს - ნანა გველსიანს დაემშვიდობნენ. მოსწავლეებმა პედაგოგს გაწეული შრომისა და ამაგისთვის მადლობა გადაუხადეს. დამრიგებელმა კი მოსწავლეებს გზა დაულოცა,
„ვულოცავთ, ჩვენს ლამაზ გოგო-ბიჭებს მეხუთე კლასში გადაბრძანებას და შემდგომ წარმატებულ და საინტერესო წლებს ვუსურვებთ!“,- აღნიშნავენ სკოლაში და მოსწავლეებს ცოდნის მწვერვალების დაპყრობას უსურვებენ.
იხილეთ ფოტოები:
