ბოლნისის N2 საჯარო სკოლას არაერთი წარჩინებული კურსდამთავრებული ჰყავს, მათ შორისაა ლილიტ მკრტჩიანი, რომელიც სწავლაში მიღწეული წარმატებისთვის მუნიციპალიტეტის მერმა დააჯილდოვა.
დიდი ქართველი მწერლის, მეცნიერისა და დიპლომატის, სულხან-საბა ორბელიანის დაბადებიდან 366 წლისთავთან დაკავშირებით, სოფელ ტანძიაში სახალხო ფესტივალი - „საბაობა 2024“ აღინიშნა.
ღონისძიების ფარგლებში, ბოლნისის მუნიციპალიტეტის მერის - დავით შერაზადიშვილის ინიციატივით, 2023-2024 სასწავლო წლის წარჩინებულ კურსდამთავრებულ მოსწავლეებს სიმბოლური საჩუქრები გადაეცათ, რომელთა შორის ბოლნისის N2 საჯარო სკოლის მოსწავლე ლილიტ მკრტჩიანი გახლდათ.
სკოლაში კურსდამთავრებულის წარმატება ახარებთ და ახალი მწვერვალების დაპყრობას უსურვებენ.
„ვულოცავთ ლილიტს, ყველა წარჩინებულ მოსწავლეს და კიდევ მრავალ წარმატებას ვუსურვებთ ცხოვრების სავალ გზაზე“,- აღნიშნავენ სკოლაში.
იხილეთ ფოტოები:
