ნინოწმინდის მუნიციპალიტეტის სოფელ ეშტიის N2 საჯარო სკოლაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა. სკოლაში წარმატებით მუშაობს ეკოკლუბი „დედამიწის დღე არის ყოველდღე“, რომლის წევრებიც მასშტაბურ გარემოსდაცვით პროექტში - „ნიკო კეცხოველის სასკოლო პრემია“ არიან ჩართულნი.
კლუბის წარმატებული საქმიანობა დაფასდა და კლუბი კონკურსის ფინალისტია.
ეკოკლუბის მიერ წლის განმავლობაში შესრულებული აქტივობების შეჯამება განათლებისა და მეცნიერების სამინისტროში გაიმართა.
„გარემოსდაცვითი პროექტის დღევანდელი ნახევარფინალი ჩვენთვის გახდა ფინალი, როცა გამოაცხადეს რომ ეშტიის N2 საჯარო სკოლა გადავიდა ფინალში, ეს იყო დაუვიწყარი მომენტი, მადლობა ბავშვებს რომ არაჩვეულებრივად წარადგინეს პრეზენტაცია ჟიურის და ერთიანი ძალით გადავედით ფინალში“,- აღნიშნავენ სკოლაში და წარმატების სიხარულს გვიზიარებენ.
იხილეთ ფოტოები:
