დმანისის მუნიციპალიტეტის სოფელ ბაზაქლოს საჯარო სკოლაში 2023-2024 სასწავლო წელი მეტად ნაყოფიერი აღმოჩნდა. სასწავლო პროცესი გაჯერებული იყო მრავალფეროვანი ღონისძიებებით, რაც როგორც მოსწავლეთა ცოდნის გაღრმავებას და შესაძლებლობების წარმოჩენას, ისე მათი მოტივაციის ამაღლებას ემსახურებოდა. მოსწავლე-მასწავლებლები აღნიშნავდნენ სხვადასხვა მნიშვნელოვან თარიღსა და დღესასწაულს.
მათ შორის აღსანიშნავია, ნოვრუზ ბაირამის დღესასწაულისადმი მიძღვნილი ღონისძიება, სადაც მოსწავლეებმა ბუნების გამოღვიძება, დედამიწის გამოცოცხლება დიდი ზარ-ზეიმით აღნიშნეს.
მოსწავლეებს დღესასწაული მიულოცა საქართველოს პედაგოგთა და მეცნიერთა თავისუფალი პროფკავშირის (სპმთპ) დმანისის რაიონული ორგანიზაციის თავმჯდომარემ მაია მურჯიკნელმა და ბავშვები დაასაჩუქრა.
სკოლის დირექციამ და პედაგოგებმა სპმთპ-ს დმანისის რაიონული ორგანიზაციის თავმჯდომარეს გულითადი მადლობა გადაუხადეს.
„სკოლის დირექცია და თანამშრომლები დიდ მადლობას მოგახსენებთ სპმთპ-ის დმანისის მუნიციპალიტეტის რაიონული ორგანიზაციის თავმჯდომარეს - მაია მურჯიკნელს ნოვრუზ ბაირამის მოლოცვისათვის და საჩუქრებისთვის. გმადლობთ, რომ ყოველთვის გახსოვართ და გვაფასებთ“,- მიმართეს მაია მურჯიკნელს და მოსწავლეთა გახარებისთვის მადლიერება გამოხატეს.
იხილეთ ფოტო: