წყალტუბოს მუნიციპალიტეტის სოფელ ახალი საყულიის საჯარო სკოლის წარმატებული მოსწავლე გიორგი ქურასბედიანი „ჯარის ბანაკში“ დაუვიწყარ დღეებს ატარებს.
ახალქალაქში იმართება საზაფხულო „ჯარის ბანაკი“, რომელიც ხორციელდება განათლების, მეცნიერებისა და ახალგაზრდობის სამინისტროს ინიციატივითა და მხარდაჭერით. ბანაკში წყალტუბოს მუნიციპალიტეტის სოფელ ახალი საყულიის საჯარო სკოლის სახელით გაემგზავრა მეცხრე კლასის მოსწავლე გიორგი ქურასბედიანი.
სამხედროებთან ერთად თავსგადამხდარი აქტიური, საინტერესო, შემეცნებითი, მხიარული თავგადასავალი მეცხრეკლასელისთვის დაუვიწყარია.
მოსწავლე შეისწავლის სამხედრო დისციპლინებს - ტოპოგრაფიასა და სამხედრო ნავიგაციას, გადის თვითგადარჩენის კურსს და სწავლობს პირველადი სამედიცინო დახმარების აღმოჩენას.
როგორც გიორგიმ აღნიშნა, საოცარი გარემო და სივრცეა მოწყობილი ბანაკის მონაწილეებისათვის.
გიორგი აქტიურად არის ჩართული ყველა აქტივობაში, წარმატებით მონაწილეობს ე.წ წრთვნებშიც.
სკოლაში მოსწავლის აქტიურობა ახარებთ და წარმატებას უსურვებენ.
„წარმატებებს ვუსურვებთ გიორგის! მადლობა ჩვენს სამინისტროს ამ შესაძლებლობისა და მოსწავლეების მოტივაციის ამაღლებისათვის!“,- აღნიშნავენ სკოლაში.
იხილეთ ფოტო-ვიდეომასალა:
