აპლიკაცია „უნივერსალური შუქნიშანი“ - 16 წლის გოგონების ინოვაციური პროექტი
07-06-2018
სერვანტესის სახელობის გიმნაზია „აია-GESS“-ის 16 წლის მოსწავლეებმა - ჯული მუხაძემ, მარიამ ბარიაშვილმა და ნინო ბულბულაშვილმა, დავით სონღულაშვილის მენტორობით აპლიკაცია „უნივერსალური შუქნიშანი“ შექმნეს.
კერძოდ, გოგონების ინოვაციური პროექტი პატრულის თანამშრომლების დახმარებასა და გზებზე საცობების მოწესრიგებას გულისხმობს. Etaloni.ge-ს აღნიშნული თემის შესახებ იდეის ერთ-ერთი ავტორი, მარიამ ბარიაშვილი ესაუბრა, რომელმაც აპლიკაციის შესახებ სრული ინფორმაცია მოგვაწოდა.
- მარიამ, რას გულისხმობს პროექტი - „უნივერსალური შუქნიშანი“?
- ჩვენ შევქმენით აპლიკაცია, რომელიც პატრულის თანამშრომელს საშუალებას მისცემს შუქნიშანზე ფერების ანთების ხანგრძლივობა ადგილიდან ხელით მართოს, ასევე, რეჟიმები გრაფიკის მიხედვით შეუცვალოს. ეს აპლიკაცია შუქნიშანს ბლუთუზით უკავშირდება და პატრულის თანამშრომელი სპეციალური კოდის შეყვანის შემდეგ გამოიყენებს. ამავდროულად, ე.წ. „სიტყვა-პასუხის რეჟიმი“ დავამატეთ, სადაც უკვე მოქალაქე შეძლებს „შუქნიშანს მისწეროს“ შეკითხვა, თუ როგორი მდგომარეობაა ქუჩაზე. მას კი „შუქნიშნისგან მიუვა“ პასუხი, როგორც ტექსტური, ასევე ფოტოს სახით, სადაც გზის მდგომარეობა იქნება ასახული.
- უფრო კონკრეტულად, რა სიახლეს სთავაზობს „უნივერსალური შუქნიშანი“ მომხმარებელს?
- ჩვენი პროექტის წყალობით პატრულის თანამშრომელს აღარ მოუწევს გზებზე დგომა და ხელებით მინიშნებების გაცემა. აპლიკაცია შუქნიშანს სწავლებადს გახდის, შეამცირებს საცობებს, შესაბამისად, გამონაბოლქვის გამოყოფასაც საგრძნობლად შეამცირებს.
- რატომ გაგიჩნდათ ამ პროექტზე მუშაობის სურვილი?
- ხშირად ვხდებოდით პატრულის თანამშრომლებს, რომლებიც გზებზე მოძრაობას არეგულირებდნენ. გადავწყვიტეთ, ეს პრობლემა აღმოგვეფხვრა. იდეის განხორციელების საშუალება კი STEM-ის კლუბმა მოგვცა.
- რა დრო დასჭირდა „უნივერსალურ შუქნიშანზე" მუშაობას?
- აპლიკაციის შესაქმნელად ორი თვე დაგვჭირდა. აღსანიშნავია, რომ ეს ჩვენი პირველი პროექტია.
- რა გამოხმაურება მოჰყვა უკვე პროექტს, სად გაიმარჯვეთ და რას ელით უახლოეს მომავალში?
- ამ პროექტით ათასწლეულის ინოვაციის კონკურსზე პრიზი ავიღეთ და სამეცნიერო ბანაკში მივდივართ. მომავლისთვის კი გვსურს, ჩვენი პროექტი ქალაქში დაინერგოს. ახლა სწორედ ამ პროექტის გაუმჯობესებასა და ფუნქციების დამატებაზე ვმუშაობთ.
კერძოდ, გოგონების ინოვაციური პროექტი პატრულის თანამშრომლების დახმარებასა და გზებზე საცობების მოწესრიგებას გულისხმობს. Etaloni.ge-ს აღნიშნული თემის შესახებ იდეის ერთ-ერთი ავტორი, მარიამ ბარიაშვილი ესაუბრა, რომელმაც აპლიკაციის შესახებ სრული ინფორმაცია მოგვაწოდა.
- მარიამ, რას გულისხმობს პროექტი - „უნივერსალური შუქნიშანი“?
- ჩვენ შევქმენით აპლიკაცია, რომელიც პატრულის თანამშრომელს საშუალებას მისცემს შუქნიშანზე ფერების ანთების ხანგრძლივობა ადგილიდან ხელით მართოს, ასევე, რეჟიმები გრაფიკის მიხედვით შეუცვალოს. ეს აპლიკაცია შუქნიშანს ბლუთუზით უკავშირდება და პატრულის თანამშრომელი სპეციალური კოდის შეყვანის შემდეგ გამოიყენებს. ამავდროულად, ე.წ. „სიტყვა-პასუხის რეჟიმი“ დავამატეთ, სადაც უკვე მოქალაქე შეძლებს „შუქნიშანს მისწეროს“ შეკითხვა, თუ როგორი მდგომარეობაა ქუჩაზე. მას კი „შუქნიშნისგან მიუვა“ პასუხი, როგორც ტექსტური, ასევე ფოტოს სახით, სადაც გზის მდგომარეობა იქნება ასახული.
- უფრო კონკრეტულად, რა სიახლეს სთავაზობს „უნივერსალური შუქნიშანი“ მომხმარებელს?
- ჩვენი პროექტის წყალობით პატრულის თანამშრომელს აღარ მოუწევს გზებზე დგომა და ხელებით მინიშნებების გაცემა. აპლიკაცია შუქნიშანს სწავლებადს გახდის, შეამცირებს საცობებს, შესაბამისად, გამონაბოლქვის გამოყოფასაც საგრძნობლად შეამცირებს.
- რატომ გაგიჩნდათ ამ პროექტზე მუშაობის სურვილი?
- ხშირად ვხდებოდით პატრულის თანამშრომლებს, რომლებიც გზებზე მოძრაობას არეგულირებდნენ. გადავწყვიტეთ, ეს პრობლემა აღმოგვეფხვრა. იდეის განხორციელების საშუალება კი STEM-ის კლუბმა მოგვცა.
- რა დრო დასჭირდა „უნივერსალურ შუქნიშანზე" მუშაობას?
- აპლიკაციის შესაქმნელად ორი თვე დაგვჭირდა. აღსანიშნავია, რომ ეს ჩვენი პირველი პროექტია.
- რა გამოხმაურება მოჰყვა უკვე პროექტს, სად გაიმარჯვეთ და რას ელით უახლოეს მომავალში?
- ამ პროექტით ათასწლეულის ინოვაციის კონკურსზე პრიზი ავიღეთ და სამეცნიერო ბანაკში მივდივართ. მომავლისთვის კი გვსურს, ჩვენი პროექტი ქალაქში დაინერგოს. ახლა სწორედ ამ პროექტის გაუმჯობესებასა და ფუნქციების დამატებაზე ვმუშაობთ.
სკოლების სიახლეები
