ქალაქ ახმეტის N3 საჯარო სკოლას წარჩინებული კურსდამთავრებულები ჰყავს. სკოლის ოქროს მედლის კანდიდატმა კურსდამთავრებულებმა თავიანთი შესაძლებლობები ეროვნულ გამოცდებზე მაქსიმალურად წარმოაჩინეს, მაღალი შედეგები დადეს და სკოლა ასახელეს.

სკოლაში მოსწავლეთა შედეგებით ამაყობენ და მათ ცხოვრების ახალ ეტაპზე, რომელსაც სტუდენტობა ჰქვია წარმატებებს უსურვებენ.

„გიორგი, თეკლა, ანი, სოფო, რატი, ვაკო, ზვიადი, გილოცავთ სტუდენტობას და დიდ წარმატებას გისურვებთ ცხოვრების გზაზე“, - აღნიშნავენ სკოლაში.

აღსანიშნავია, რომ სკოლას არაერთი ღირსეული და ნიჭიერი თაობა აღუზრდია.