გორის N3 საჯარო სკოლაში მოსწავლეთა სწავლაში მიღწეული წარმატება განსაკუთრებულად ახარებთ. 

ამჯერად, სკოლაში მე-7^ა კლასის მოსწავლის - ნინი მღებრიშვილის წინსვლით ამაყობენ. 

ფიზიკა-მათემატიკით დაინტერესებული ნიჭიერი მოსწავლე ნინი მღებრიშვილი სწავლას სპეციალიზებულ სკოლაში გააგრძელებს. 

სკოლის მე-7^ა კლასის მოსწავლე ჩაირიცხა ვლადიმერ კომაროვის ფიზიკა-მათემატიკის N199  საჯარო სკოლაში. მოსწავლემ სკოლაში მისაღები გამოცდები წარმატებით ჩააბარა და ფიზიკა-მათემატიკას სიღრმისეულად შეისწავლის. 

გორის N3 საჯარო სკოლაში მოსწავლის წარმატება ახარებთ და ცოდნის ახალი მწვერვალების დაპყრობას უსურვებენ. 

„ვულოცავთ ჩვენს მიზანდასახულ და ნიჭიერ გოგოს და ვუსურვებთ წარმატებებს! გვეამაყები!“,- აღნიშნავენ სკოლაში.