ქარელის მუნიციპალიტეტის სოფელ ბებნისის საჯარო სკოლის წარმომადგენლები სხვადასხვა საინტერესო ღონისძიებასა თუ პროექტში აქტიურად მონაწილეობენ.
მათ შორის აღსანიშნია ლიდერი სკოლების ონლაინ ფორუმი: ორდღიანი ღონისძიების ფარგლებში, საქართველოს სხვადასხვა რეგიონიდან 22 სკოლის წარმომადგენელმა აუდიტორიას სკოლებში დემოკრატიული კულტურის განვითარების მიზნით, მოსწავლეთა თვითმმართველობების მიერ განხორციელებული ინიციატივები გაუზიარა.
აღსანიშნავია, რომ ეს ინიციატივები სკოლისთვის მნიშვნელოვანი საკითხების გადაჭრას ემსახურებოდა და სკოლის ადმინისტრაციის მხარდაჭერით განხორციელდა.
კონკურსის ფარგლებში, საქართველოს მასშტაბით, 44 ლიდერი სკოლა შეირჩა, მათ შორის, ბებნისის საჯარო სკოლა.
ლიდერი სკოლების ონლაინ ფორუმი სამოქალაქო განათლების პროგრამის ფარგლებში გაიმართა, რომელსაც ორგანიზაცია PH International დაფინანსებითა და საქართველოს განათლების, მეცნიერებისა და ახალგაზრდობის სამინისტროს მხარდაჭერით ახორციელებს.
იხილეთ ვიდეოები და ფოტო:
