საგამოცდო ციებ-ცხელება დასრულდა, აბიტურიენტები საბოლოო ჩარიცხვებს ელოდებიან,  ცნობილია მასწავლებელთა გამოცდის შედეგებიც.

ახმეტის მუნიციპალიტეტის სოფელ ქისტაურის საჯარო სკოლაში კურსდამთავრებულთა და მასწავლებელთა მიღწევებით ხარობენ. 

სკოლის პედაგოგებმა - ეკა ჭაბუკაშვილმა (ქართული ენა და ლიტერატურა VII-XII კლასი), ევა ბულბულაშვილმა (სპორტი), მადონა ციგროშვილმა (სპორტი) დამატებითი საგნების გამოცდებში კომპეტენცია დაადასტურეს.

სკოლის კურსდამთავრებულებმა კი ერთიანი ეროვნული გამოცდები ჩააბარეს წარმატებით და სტუდენტობის მოლოდინში არიან. 

სკოლში აბიტურიენტებსა და მასწავლებლებს გამოცდების წარმატებით დასრულებას ულოცავენ. 

„ქისტაური საჯარო სკოლა ულოცავს სკოლის კურსდამთავრებულებს, მისაღები გამოცდების წარმატებით ჩაბარებას და უსურვებს ნაყოფიერ სტუდენტობას“,- ამბობენ სკოლაში, ასევე სიამაყით აღნიშნავენ, პედაგოგთა მიღებულ შედეგებს და უსურვებენ შემდგომ წარმატებას კარიერული წინსვლის გზაზე.