„ამ უკარგეს ბიჭს მომავალშიც დიდ წარმატებებს ვუსურვებთ!“ -გურჯაანის N4 სკოლის კურსდამთავრებული ნოდარ შანყულაშვილი მკლავჭიდში მსოფლიოს ჩემპიონია
29-08-2024
გურამ ჭილაშვილის სახელობის ქალაქ გურჯაანის N4 საჯარო სკოლაში თითოეული მოსწავლის წარმატება დაფასებულია. ამასთანავე, აღსანიშნავია, რომ სკოლას არაერთი წარმატებული კურსდამთარებული ჰყავს, რომელთა მიღწევებს სასკოლო საზოგადოება ყოველთვის აღნიშნავს.
მათ შორისაა სკოლის კურსდამთავრებული ნოდარ შანყულაშვილი. ახალგაზრდა მკლავჭიდელი მსოფლიო ჩემპიონი გახდა იუნიორებში და ქვეყანა ასახელა. სკოლა მისი წარმატებით ამაყობს და კურსდამთავრებულს მომავალში კიდევ ბევრ გამარჯვებას უსურვებს.
„ჩვენი სკოლის სახელით ვულოცავთ ნოდარს მსოფლიო ჩემპიონის ტიტულს! ამ უკარგეს ბიჭს მომავალშიც დიდ წარმატებებს ვუსურვებთ!“, - ამბობენ სკოლაში.
სკოლების სიახლეები
