მარნეულის მუნიციპალიტეტის სოფელ ხოჯორნის საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს. 

აღსანიშნავია, რომ წელს სკოლიდან 5 კურსდამთავრებული აბარებდა გამოცდებს. მათგან ოთხმა აბიტურიენტმა: მარია დავითიანმა, სურენ დავითიანმა, ნერსეს ჰოვანესიანმა და ანჟელა სირადრღიანი სასურველ უნივერსიტეტებში 100%-იანი გრანტი მოიპოვეს.

ასევე, აღსანიშნავია, რომ 5 აბიტურიენტიდან 4 ივანე ჯავახიშვილის სახელობის თბილისის სახელმწიფო უნივერსიტეტში, ერთი კი ილიას სახელმწიფო უნივერსიტეტში ისწავლის.

თითოეულ მათგანს სკოლაში ამ დიდ წარმატებას ულოცავენ დ მომავალში წინსვლას უსურვებენ.

„გილოცავთ, ბედნიერი და წარმატებული სტუდენტობა თქვენ!“, - აღნიშნავენ სკოლაში.

შეგახსენებთ, რომ წელს საქართველოს მასშტაბით 32 000-ზე მეტი აბიტურიენტი გახდა სტუდენტი.