ირაკლი აბაშიძის სახელობის ქალაქ ხონის N3 საჯარო სკოლაში კურსდამთავრებულის - ანა ქურასბედიანის ერთიან ეროვნულ გამოცდებზე მიღწეული წარმატებით ხარობენ.
სკოლის კურსდამთავრებული ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების ფაკულტეტზე 100%-იანი გრანტით ჩაირიცხა.
სკოლაში მას ახასიათებენ, ბეჯით, აქტიურ და მიზანდასახულ ახალგაზრდად, რომლის სახელზე არაერთი წარმატებაა.
„ანა გამოირჩეოდა ნიჭიერებით, შრომისმოყვარეობით, აქტიურობით, ლიდერული თვისებებით, მაღალი პასუხისმგებლობის გრძნობით, მიზანსწრაფულობით და ამ თვისებების წყალობით არაერთხელ ასახელა მშობლიური სკოლა“,- აღნიშნავენ სკოლაში, კურსდამთავრებულს სტუდენტური ცხოვრების დაწყებას ულოცავენ და ცოდნის ახალი მწვერვალების დაპყრობას უსურვებენ.
„სკოლა ულოცავს ანას ამ წარმატებას, ამაყობს მისით. ვიცით, რომ ეს მხოლოდ დასაწყისია, იგი არაერთხელ წარმოაჩენს თავის თავს საუკეთესო კუთხით! ვუსურვებთ დიდ წარმატებებს მწვერვალებისაკენ სავალ გზაზე!“,- აღნიშნავენ სკოლაში.
