საბავშვო ბაღებში სააღმზრდელო წელი 16 სექტემბერს განახლდება, თუმცა საინტერესოა როდის ბრუნდებიან ბაღის თანამშრომლები სამსახურში? - ამ კითხვით არაერთმა დაინტერესებულმა პირმა მოგვმართა, ამიტომ საკითხის დასაზუსტებლად ბაღების მართვის სააგენტოში დავუკავშირდით, სადაც გვითხრეს რომ შვებულებიდან სამსახურში დაბრუნების ერთიანი დრო არ არსებობს. 

„პერსონალის სამუშაოზე დაბრუნების ვადა ინდივიდუალურად რეგულირდება, კუთვნილი საშვებულებო პერიოდის შესაბამისად. თითოეულ თანამშრომელს ხელშეკრულებაში უწერია დასვენების დღეების რაოდენობა, შესაბამისად ერთიანი ვადა, ვინ როდის უნდა გავიდეს სამსახურში, არ არსებობს“, - განგვიცხადებს სააგენტოში.