ახალქალაქის მუნიციპალიტეტის სოფელ ალასტანის საჯარო სკოლის 2023-2024 კურსდამთავრებულებიდან -  ჰაკობ მარგარიანმა და გაიანე კაროიანმა წარმატებით ჩააბარეს გამოცდები და თბილისის სახელმწიფო უნივერსიტეტში ქართული ენის მომზადების საგანმანათლებლო პროგრამაზე (1+4) ჩაირიცხნენ. 

აღსანიშნავია, რომ ჰაკობ მარგარიანი „1+4“ საგანმანათლებლო პროგრამაზე სახელმწიფო სასწავლო გრანტით ისწავლის. 

სკოლაში კურსდამთავრებულთა წარმატება ახარებთ, ახალგაზრდებს ქართული ენის მომზადების საგანმანათლებლო პროგრამის წარმატებით დასრულებას და სასურველი პროფესიების დაუფლებას უსურვებენ. 

შეგახსენებთ, რომ ერთიანი ეროვნული გამოცდების საბოლოო შედეგები 27 აგვისტოს გამოქვეყნდა. წელს სტუდენტი 32 000-ზე მეტი აბიტურიენტი გახდა.