წამყვან-მენტორობის მსურველი პედაგოგები პორტფოლიოს დაცვის შედეგებს ელიან.

საკითხის აქტუალობიდან გამომდინარე, etaloni.ge-მ მასწავლებლის სახლს მიმართა კითხვით, როდის აისახებოდა ბაზაში ინფორმაცია პროფესიული საქაღალდის შეფასების შესახებ? მით უმეტეს, რომ თავად პედაგოგებს ჰქონდათ მოლოდინი, რომ „ესქულში“ სტატუსები სექტემბერში გამოჩნდებოდა.

ოფიციალურ სტრუქტურაში განმარტეს, რომ კონკრეტული ვადები უცნობია, თუმცა ახლახან გაირკვა, რომ „ესქულის“ ბაზაში მასწავლებლების სტატუსების ასახვა დაიწყო (ინფორმაციას დირექტორების პლატფორმაც ადასტურებს) და ეტაპობრივად, ყველა კანდიდატი შეიტყობს, დადებითად შეუფასდა თუ არა პროფესიული საქაღალდე.