წელს, საქართველოს მასშტაბით 32 000-ზე მეტი აბიტურიენტი სტუდენტი გახდა, მათ შორის არიან წმინდა გაბრიელ ეპისკოპოსის სახელობის ოზურგეთის მუნიციპალიტეტის სოფელ ბახვის საჯარო სკოლის წარმატებული კურსდამთავრებულები, რომელთაც ერთიანი ეროვნული გამოცდები წარმატებით ჩააბარეს.
ანი ანთაძე, ქეთი გოგინავა, მათე დოლიძე, გიორგი ჯაში, გიორგი ჭელიძე, ლუკა გორდელაძე, ლიზი პაქსაძე, მამუკა ხოზრევანიძე არჩეულ პროფესიებს სასურველ უმაღლეს სასწავლებლებში დაეუფლებიან.
სკოლაში კურსდამთავრებულთა წარმატება ახარებთ, იმედოვნებენ, რომ ახალგაზრდები ასახელებენ სკოლას, სოფელსა და საქართველოს, დირექცია და პედაგოგები კი მათი მიღწევებით იამაყებენ.
„ბახვის საჯარო სკოლის პედაგოგიური კოლექტივი ულოცავს სკოლის კურსდამთავრებულებს - ანი ანთაძეს, ქეთი გოგინავას, მათე დოლიძეს, გიორგი ჯაშს, გიორგი ჭელიძეს, ლუკა გორდელაძეს, ლიზი პაქსაძეს, მამუკა ხოზრევანიძეს ეროვნული გამოცდების წარმატებით ჩაბარებას და სტუდენტობას! წარმატებებს ვუსურვებთ!“,- ვკითხულობთ მისალოც წერილში.
